【有嗰樣講嗰樣】祝福聖物

很多次，教友拿聖物給我「祝聖」（其實正確應該是祝福），恭敬地雙手捧住聖物，祝聖完之後，她又拿出另一件聖物說：「神父，仲有呢個！」我唯有說：「唔使逐樣逐樣嚟架，一次過得架喇！如果你買十串念珠，咁我唔係要祝聖十次？」我心想，為甚麼她會以為要逐樣逐樣祝聖呢？教友不懂，有甚麼出奇！

又很多次，教友請我祝聖聖物，將聖物由膠袋或者紙盒取出，而且有時又不只一樣聖物，我對她說：「唔使攞出嚟喇，我啲功力可以穿過啲袋同個盒架！喺袋同盒裡面得架喇！」

又有一次，同類情況，我對那教友說同樣的一番話，她對我說：「我唔係驚你功力唔夠呀，係你祝聖過嗰個袋，我唔敢丟咗佢呀！」我即時語塞，不知如何回應！