【有嗰樣講嗰樣】蠟燭要放雪櫃？

教區為候洗者舉行考核禮，禮儀最後部份由堂區傳道員代表到祭台前領受蠟燭，為候洗者領受入門聖事時用。

有某堂區代表後來問我：「神父！包蠟燭要唔要放喺雪櫃呀？」我摸不着頭腦，問她說：「放喺雪櫃？點解呀？」她說：「唔知呀！⋯⋯怕佢溶啩？」我笑說：「如果你要留番嚟食，驚佢變壞，咁就放喺雪櫃喇！」

原來她那包蠟燭有些微涼凍，她以為剛由雪櫃拿出來，所以要放回雪櫃待用！唉，剛才聖堂內有冷氣嘛，那些蠟燭禮儀前已放在聖堂一段時間，吸收了冷氣！

她又因為那包蠟燭有些少水留在膠袋外，以為是由雪櫃拿出來遇暖空氣形成的水份！唉，主禮剛才祝福蠟燭後灑聖水嘛！