【有嗰樣講嗰樣】愈來愈幽默的樞機

湯樞機的座駕幾個月前遇到車禍，被另一輛汽車撞向尾部，再撞及前面另一部車。幸好樞機並無受傷，只是座駕損毀了，需要更換另一部！

造成意外的責任並不在湯樞機，而是另一車輛的駕駛者。有一天我對樞機說：「樞機，你都幾陰公噃，俾人撞，明明係人哋唔啱，你都唔可以落車話佢，仲要笑笑口咁同佢講：騎⋯⋯騎⋯⋯，唔緊要喇，唔緊要喇！」（大家可以想像一下樞機温文爾雅的樣子。）

我繼續說：「如果換轉係我，我一落車梗係會同嗰個司機講：你有無搞錯呀，咁揸車㗎！」未必是要破口大駡，少少埋怨也不過份嘛！但我們的樞機相信斯斯文文地說句「你有無搞錯」也不會，公眾人物嘛，而且相信大部份香港人都認得他！

料不到樞機笑笑口回應我一句：「嘻⋯⋯嘻⋯⋯！你點知我無講呀，你唔俾我落車之前喺車裡面已經講咗呀！」哈哈！樞機真是愈來愈幽默！