【有嗰樣講嗰樣】 難題！

 跟一群前堂區教友聚會，其中一個婆婆問：「神父呀！我想問你好耐嘅喇，不過見唔到你！早幾年我哋堂區有一個神父，佢有老婆，有仔嘅？」有教友答說：「唔係神父嚟架，執事架！係終身執事呀！」

婆婆又說：「神父嚟架！着你嗰啲衫架！嗰年佢升神父，喺聖堂佢老婆同個仔都喺度，佢仲講嘢話多謝老婆支持佢，跟住佢老婆又出嚟講嘢話支持佢！」教友又搶先回應：「係終身執事嚟架！」

婆婆繼續說：「唔係呀！神父嚟架！佢喺彌撒嗰度坐你坐嗰個位架，做你做嗰啲嘢架！」教友又澄清：「唔係神父嚟架！係終身執事嚟架！佢係幫神父手架……彌撒嗰陣唔係得佢一個嘅嘛？有其他神父嘅嘛？……佢有冇同其他人一齊吖？」

婆婆又堅持：「無呀！得佢一個人做嘅咋！」

唉！真難答！