【教友有問題】教友可以買六合彩嗎？

教友甲：「六合彩一年可以出幾個億萬富翁，中咗，可以有大把錢捐俾窮人或教會。」

教友乙：「咁教友係咪可以搏一鋪呢？」

不過，贏巨額獎金奉獻俾教會，似乎唔係買六合彩或者賭錢嘅藉口。因為福音入面，窮寡婦嘅故事話俾我哋知，奉獻不在於多寡，而在於可唔可以同人分享：耶穌讚窮寡婦，話佢由自己嘅不足中，「把所有的一切，全部的生活費，都投上了」（谷十二44），所以奉獻不在於數量。

教理（2413）都話博彩唔違反正義，但係，如果因為咁而剝削其他人，或掛住追求刺激，咁就係有害：「如果剝奪了某人為了維持自己及他人的所需，則變為道德上不可接受的。」

我哋响經濟事務上要追求節制之德（教理2407），所以如果係為咗公益或者湊熱鬧而節制咁參與賭博，係無傷大雅嘅。

  
捐款支持公教報  http://kkp.org.hk/donation