【教友有問題】開冷氣都關信仰事？

仔： 阿媽，堂區臉書叫我哋响9月「關愛受造界時期」開少啲冷氣。但係點解咁都關信仰事呢？唔通愈抵得熱愈顯得刻苦！ 

媽： 我哋唔係要鬥刻苦，而係為咗愛地球呢個「家」。溫室效應令到氣候反常，酷熱又水浸，天主所創造嘅人類同其他生物，都因為咁樣而受苦。開少啲冷氣「減碳」，減慢溫室效應，係愛人愛大地，亦都係愛天主嘅行為。

（教宗方濟各嘅「生態通諭」《願祢受讚頌》，提醒大家要改變生活習慣，多啲愛護環境，節制咁生活，當地球係大家嘅屋企、萬物係自己兄弟，好似聖方濟亞西西咁善待萬物。） 

仔： 遲吓開返彌撒，不如都建議聖堂開彌撒時，校細啲冷氣咯，應該會慳番好多。

媽： 好主意，不過天氣都開始凍啦。你想慳電，不如打少啲機仲慳啦！ 

  
捐款支持公教報  http://kkp.org.hk/donation