【教友有問題】點解會有《玫瑰經》？

爸爸： 10月「玫瑰月」啦，要多啲唸玫瑰經呀。

阿仔： 收到！爸爸、爸爸，玫瑰經係邊個發明㗎？ 

爸爸： 玫瑰經响歐洲中世紀已經出現，係由修院嘅日課演變出嚟。修士同教友都會手持唸珠計自己唸咗幾多次。

阿仔： 哦，原來唸珠係要嚟計數嘅！ 

爸爸： 唔係，相傳响12世紀，聖母顯現俾聖道明，就係手持唸珠，並囑咐聖道明教人唸玫瑰經，為當時異端者嘅悔改而祈禱。

阿仔： 咁點解10月係玫瑰月呀？ 

爸爸： 相傳响1571年，歐洲嘅教友因為熱心唸玫瑰經，得聖母幫助去抵禦外敵侵略，仲响10月7日果場戰事大獲全勝。後來教會將呢日訂為玫瑰聖母節，令更多教友唸玫瑰經。到1883年，教宗良十三世就正式訂10月做玫瑰月嘞。

阿仔： 原來玫瑰經咁多相傳故事，等我一陣去考吓同學仔先。

  
捐款支持公教報  http://kkp.org.hk/donation