【教友有問題】玫瑰經「奧跡」係咩嚟㗎？

爸爸： 10月喇，一齊唸玫瑰經呀！ 

阿仔： 好呀！ 

爸爸： 好。你有冇耶穌咁好口才呀？好似「歡喜五端」入面話：12歲就識講道呢。

阿仔： 主日學老師話，玫瑰經係俾我哋默想耶穌一生嘅奧跡，唔係鬥叻㗎！ 

爸爸： 你好似知好多咁，知唔知玫瑰經有幾多端？ 

阿仔： 20端吖嘛。

爸爸： 啱。玫瑰經有20端奧跡，每端都代表緊一件大事：歡喜五端默想耶穌降生；光明五端默想耶穌嘅傳教生活；痛苦五端紀念耶穌嘅苦難，同時又鼓勵我哋去體察人哋嘅痛苦；而榮福五端係默想耶穌復活奧跡。

阿仔： 既然係要默想耶穌嘅奧跡，咁點解要請聖母媽媽同我哋一齊唸經呢？ 

爸爸： 聖母媽媽好明白我哋嘅需要，而同佢一齊默觀耶穌生平嘅時候，可以請佢代禱，引領我哋成聖，我哋亦要好好學習佢去承行主意。

阿仔： 明哂！好似我有乜嘢想買，都會搵阿媽同你講一樣！ 

  
捐款支持公教報  http://kkp.org.hk/donation