【教友有問題】可以裝香燒衣嗎？

新抱： 奶奶，二叔話重陽節拜老爺嗰陣要裝香燒衣，咁我就驚嘞：如果跟住做，天主會唔會嬲我？而老爺對我同老公都咁好，我又想拜吓佢！ 

奶奶： 烏蠅都唔摟你啦，天主邊咁得閒嬲你！要搞清楚我哋「拜」咩先。我知你孝順，如果裝香係想將呢份祈禱，藉住馨香送比上主，咁就似係為你老爺代禱，而唔係拜天主以外嘅神。

新抱： 咁燒衣呢？ 

奶奶： 同樣道理，如果燒金銀衣紙係為咗賄賂牛鬼蛇神，等老爺喺下面有錢洗，咁就同基督徒追思亡者嘅意思有好大出入啦。

新抱： 其實我淨係想買花比老爺，表示對佢嘅追念。

奶奶： 我都諗住咁。我地做教友嘅要本住諸聖相通功呢個信念，為亡者靈魂嘅淨煉祈禱呀。

新抱： 咁二叔嗰度……。

奶奶： 你到時主力眯埋眼祈禱，等我應付你二叔啦。

新抱： 多謝奶奶。咁我哋都一齊參與11月2日追思已亡者彌撒，為老爺 祈禱啦。

  
捐款支持公教報  http://kkp.org.hk/donation