【教友有問題】教友要睇星座做人嗎？

女朋友： 唔睬你呀！星座大師本新書話，你出年有機會有第二個女朋友，我哋仲可能會分手㖭呀！我好嬲呀！ 點解係你飛我唔係我飛你喎！ 

男朋友： 呢啲都好信！你舊年夠話佢預測我有大病啦，而家咪又乞嗤都冇打個！我哋天主教徒，信天主就夠啦！ 

女朋友： 我唔係信星座，只係想了解自己多啲，求個心安啫。

男朋友： 想了解自己多啲，其實平時多啲睇聖經，之後就住經文做反省，又或者參加信仰小團體，响聚會上互相提點！了解自己未必要靠星座書嘅，況且觀察星座同占星術，都有啲係求緊神秘力量嘅心理，會違反我哋對唯一天主應有嘅敬意㗎。（參教理2116） 

女朋友： 咁又係！但呢啲書早就印定哂放喺書店，唔揭嚟睇吓咪好嘥！ 

男朋友： 世界嘅嘢並唔係因為命運或偶然，而係發自天主自由嘅意志（參教理295），天主亦知道我哋真正需要啲咩，會同我哋分享佢嘅美善。我自己就信天主比我嘅使命多於命運啦， 其中一個最重要嘅，當然係照顧你呢。

女朋友： 唔好咁肉麻啦你。

男朋友： 我哋去公教進行社買本開心嘅信仰小品，一齊睇仲好啦。公進社今年慶祝75周年，實入咗好多好嘢啦 ！ 

  
捐款支持公教報  http://kkp.org.hk/donation