【教友有問題】彌撒咩時候要跪？

爸爸： 阿仔，你為乜全程網上彌撒都跪？你唔咩？ 

孫仔： 去唔到聖堂，諗住全程跪補番數吖嘛。

爺爺： 唔好話我個乖孫啦，尊重啫。

爸爸： 彌撒入面各種行動，都係幫我哋表達情感㗎。雖然好多時候都係坐，但好似唸信經表達意向嗰陣，要企起身；搥胸就係表達悔罪。訓導篇都話「天下任何事皆有定時」啦，全程跪就表達唔到嗰份尊重㗎喇！ 

爺爺： 舊時學校吓吓都提我哋跪㗎，跪得多過而家呀。又好似呀陳生陳太，每次聽見「天主」兩個字都跪啦。

爸爸： 阿爸，我參考過《彌撒經書總論》，佢話喺祝聖聖體聖血時要跪，另外當神父唸：「請看天主的羔羊⋯⋯」我哋要再跪。而嚟緊聖誕節就比較特別啲，唸信經「祂因聖神由童貞瑪利亞取得肉軀，而成為人」呢句，係可以跪嘅。一般情況下，輔祭幾時跪，我地就幾時跪。

爺爺： 乖孫，你老豆都有道理。不過可能佢舊時成日比人罰去跪，而家搵藉口唔跪啫！ 

孫仔： 爺爺，唔好再講喇，否則激嬲咗老豆，我哋聖誕期要全程食麪包㗎喇！ 

  
捐款支持公教報  http://kkp.org.hk/donation