【教友有問題】點解每年主日經文都唔同？

男朋友： BB，你爹哋加硬我分喇！你睇，我早排買咗本甲年嘅講道集送俾佢呀。1月24日就係「天主聖言主日」，我呢份禮物應節喇掛？ 

女朋友： 你响邊度慕道㗎？而家已經由甲年轉咗做乙年喇。好彩你早啲出聲，唔係仲倒扣你一百分呀！ 

男朋友： 無理由㗎？明明上年買嗰陣仲係甲年嚟㗎。

女朋友： 要同你補吓課先得！上年將臨期第一主日已經係新嘅禮儀年，即係乙年喇。主日讀經係分為甲、乙、丙三個年份，作為一個循環嘅。三年嘅聖經連貫去介紹救恩史，甲年係瑪竇福音，乙年係馬爾谷福音，丙年係路加福音；若望福音一般會喺四旬期同埋復活期嗰陣讀。

男朋友： 咁即係輪住比A、B、C餐教友，等我哋冇咁悶？ 

女朋友： 我哋呢個信仰係活㗎，係由生活體現嗰份靈修出嚟㗎。三本福音講述耶穌生平嘅方式有少少唔同，但重點都係一樣，俾我哋從唔同角度認識救恩史。

男朋友： 咁我呢本甲年講道集…… 

女朋友： 返去刨熟佢，下星期返屋企食飯，爹哋隨時抽問㗎！ 

  
捐款支持公教報  http://kkp.org.hk/donation