【教友有問題】讀經員要做啲咩㗎？

細妹： 家姐，你成晚係咁讀嗰兩段主日讀經，你唔我都聽到好煩喇！ 

家姐： 今個主日1月24日係「天主聖言主日」，堂區直播彌撒更加不容有失，我做讀經員梗係要準備充足喇！ 

細妹： 家姐呀，你專係做埋小彌撒讀經，比我就幾大爭住幫大瞻禮讀經，多啲人聽吖嘛！ 

家姐： 每次讀經都係同樣重要㗎。讀經係一份職務，去服侍聖言同教會，而唔係出風頭！ 

細妹： 幾分鐘就讀哂兩段聖經喇，唔駛安排特別職務啩？ 

家姐： 你讀過經就知難㗎喇。讀經員固然要咬字清晰唔怯場， 同時亦要熟悉禮儀㗎，如果向咗教友而唔係祭台方向 鞠躬，你話幾咁尷尬呢！ 

細妹： 咁又係！ 

家姐： 又如果連自己都唔明白讀經內容，好容易會讀到一㗎。 仲有，當年老師會教我哋聖經知識外，兼教我哋用聲嘅方法， 真係要氣運丹田㗎。

細妹： 家姐，教宗最近先至話要向女教友開放讀經員同輔祭職務，咁你咪即係「無牌」讀經 ！ 

家姐： 教宗係响制度上真正授權女教友做讀經員。講你都唔明，你揭去今期公教報第17版睇吓點講喇！ 

  
捐款支持公教報  http://kkp.org.hk/donation