【教友有問題】新年貼咩揮春好？

阿媽：阿仔，疫情令你少咗生意，所以幫你求咗張「招財進寶」，包你牛年賺到盤滿鉢滿呢！ 

阿仔：媽咪，大家身體健康，我就心滿意足喇。如果要勞煩「財神」嚟幫忙，我驚犯咗第一戒「欽崇一天主在萬有之上」呀。

阿媽：阿仔你都雙重標準嘅。前年神父派利是，你一馬當先去拎 ，睇舞獅仲睇到拍哂手㖭！

阿仔：媽咪，我份人心急啫，利是入面其實係張福傳卡，係用嚟提醒教友同人分享信仰㗎！而嗰隻獅係吐聖經句子：真福八端「溫良的人是有福的」呀。 

福音一直同各地文化互動，可以淨化同豐富民族風尚，帶嚟新嘅面貌。（參《論教會在現代世界》牧職憲章58）教友可以開開心心記聖經句子，你話幾咁好？ 

阿媽：咁聽你話喇。呀！陳太剛剛whatsapp我，話今期公教報送年畫呢！ 

阿仔：係呀，你揭去中間大頁就見到㗎喇！

  
捐款支持公教報  http://kkp.org.hk/donation