【教友有問題】四旬期為減肥守齋？

老公： 老婆，我哋嘅四旬期餐單有咩好嘢食呢？ 

老婆： 話晒係四旬期，梗有好嘢食！逢星期五食齋米粉吖嘛！過年食得年糕多嘞，順手當減肥囉。

老公： 守齋唔係為咗減肥喎，而係為咗透過犧牲同克己，去同主耶穌更加親近。如果為咗貪靚而食少啲，你平日都係咁做㗎喇，咁就唔算克己囉！ 

老婆： 老公，我明喇，守齋唔係靠走「法律罅」，係要靠皈依！ 

老公： 為咗證明我哋嘅決心，我哋响四旬期都要過得簡單啲喇， 少啲上網睇食譜、多啲睇聖經，兼且慳番啲享樂使費去捐俾四旬期基金㖭。

老婆： 我記得，個紫色盒仔吖嘛，一陣去聖堂朝拜聖體，順便攞番兩個先。

老公： 攞咁多做乜？一個咪夠囉！ 

老婆： 擺一個喺公司吖嘛，我老闆年年都放張金牛入去㗎！ 

  
捐款支持公教報  http://kkp.org.hk/donation