【教友有問題】點解四旬期要分享？

細佬： 阿哥！我養到隻四旬期「巴斯卦羊」又肥又滿喇，可以交番啲錢俾四旬期運動去幫人喇。完成任務，我之後可以將剩番嘅錢買零食，好嘢！ 

阿哥： 細佬，你儲得咁落力，原來只係想早啲收工！四旬期嘅施捨，其實係俾我哋透過愛身邊嘅人去親近天主呢。呢份愛係分享，唔局限於捐錢，亦唔只係一年幫人一次呢。

細佬： 阿哥，我冇咩可以再分俾人喇，我得一部手機同一部遊戲機咋。

阿哥： 堂區好多教友付出時間同愛心，响疫情之下唔淨止買嘢俾失業嘅叔叔姨姨食，仲請佢哋返去堂區傾偈，好似朋友一樣咁關心。

細佬： 咁我拎食剩啲零食去分俾其他小朋友喇。

阿哥： 唔係有剩先分享，四旬期就係要我哋犧牲一吓，去放低啲不必要嘅嘢，去搵番耶穌。

細佬： 阿哥，我知道你同你女朋友個個星期派口罩俾清潔工人，俾我陪埋你哋喇，你仲可以請埋我食飯㖭！ 

阿哥：我同女朋友星期五守齋食麫包，歡迎細佬你加入！ 

  
捐款支持公教報  http://kkp.org.hk/donation