【教友有問題】聖枝來自咩樹？

阿仔： 阿媽，3月28日係「基督苦難主日」呀，唔知堂區到時會唔會派聖枝呢？ 

阿媽： 基督苦難主日係紀念耶穌基督榮進耶路撒冷，當時民眾正係揸住棕櫚樹枝去歡迎佢呢。以前呢日叫「聖枝主日」，梵二後教宗將佢正名。今年若然冇聖枝喺手，我哋仍然可以多祈禱，去歡迎耶穌入嚟我哋屋企㗎。

阿仔： 咁往時堂區喺邊度搵咁多中東嘅棕櫚枝番嚟？ 

阿媽： 堂區用嘅聖枝，係同棕櫚科完全無關嘅蘇鐵枝嚟㗎！華南同東南亞都有好多蘇鐵，個樣好似棕櫚，所以做咗代替品呢。

阿仔： 我响街都成日見到有好多蘇鐵呀！啱唔啱放屋企用㗎？ 

阿媽： 經過神父祝聖先稱得上係聖枝嚟㗎。況且我地每年拎嘅聖枝，都經過堂區用心修剪同清洗嘅。

阿仔： 阿媽，既然聖枝對屋企咁重要，咁點解唔見你keep嘅？ 

阿媽： 聖枝唔保存㗎，如果今年拎咗聖枝，出年記住準時拎返俾聖堂呀！通常堂區會响四旬期前收集聖枝，去燒成聖灰㗎。

  
捐款支持公教報  http://kkp.org.hk/donation