【教友有問題】點解聖週六禮儀要夜晚舉行？

老公： 老婆，點解聖週六禮儀要喺夜晚舉行？食完飯就要預備去彌撒，即係要我食少啲啫！ 

老婆： 你根本就唔應該食得咁豪，清心寡慾迎接耶穌復活就最好。而自古以來，呢晚都係對上主當守嘅一夜（參出十二42）。「逾越節守夜禮」要喺入黑後開始、主日黎明前結束㗎。呢一晚， 教友遵從福音（路十二35-37）嘅教導，點住燈等待主人返嚟，就好似大家拎住燭光咁。

老公： 子夜彌撒咁重要，都有幾台喇，點解逾越節守夜禮得一台彌撒呢？ 

老婆： 逾越節守夜禮係教會最崇高同最尊貴嘅慶典，每間聖堂只可以舉行一次。聖週五黃昏至到聖週六黃昏，唔會有任何禮儀，呢段時間係俾我哋靜心默想基督嘅逾越奧蹟。

老公： 四旬期已經好清同好靜喇。

老婆： 復活期先要更加努力！多啲參與堂區活動，俾個好榜樣啲新教友同慕道者呢！ 

  
捐款支持公教報  http://kkp.org.hk/donation