【教友有問題】點解會有花地瑪聖母

阿女： 媽咪，你儲咗錢咁多年，今年依然飛唔到去葡萄牙花地瑪朝聖，個心係咪囉囉攣呢？ 

媽咪： 媽咪先唔會好似你咁心野！我一直聽花地瑪聖母話，勤唸玫瑰經去祈求世界和平，個心不知幾安樂！ 

阿女： 聖母媽媽係咪好似你咁成日去旅行㗎？點解會有花地瑪 聖母㗎？ 

媽咪： 聖母媽媽唔係遊山玩水，佢關心我哋嘅苦難，先至會喺唔同地方顯現，去俾信息我哋。第一次世界大戰（1914- 1918）嗰陣，佢响1917年5月至10月期間，六次顯現俾三個牧童，要求佢哋奉獻自己，刻苦補贖，同埋每日為世界和平唸玫瑰經！花地瑪聖母瞻禮喺5月13日，即係第一次 顯現嗰日。

阿女： 媽咪，咁今晚我陪你唸玫瑰經，當係陪咗你去花地瑪喇！ 

媽咪： 去朝聖係志在感到當地嘅祈禱氣氛，你話幾千人同心同德去唸 玫瑰經，係咪好難得呢？ 

阿女： 一家人都可以好誠心祈禱㗎，神父話今年「愛的喜樂」家庭年，要一齊祈禱呢！媽咪，花地瑪聖母媽媽係咩樣㗎？ 

媽咪： 揭去今期《公教報》第2同19跨頁嘅花地瑪聖母海報，你就知道佢有幾高貴同端莊喇！ 

  
捐款支持公教報  http://kkp.org.hk/donation