【教友有問題】彌撒用邊啲麪餅？

阿女： 媽咪你睇！呢間超市係咪有「麪餅」賣呀？個餅又白又圓。今個主日係「聖體聖血節」，可以買嚟送俾堂區呀！ 

阿媽： 你放番低盒餅先，呢啲係小食嚟㗎。製作聖體有規有矩，唔係所有麪餅都可以成為聖體㗎。

阿女： 咁聖體用邊種麪餅呀？佢又有乜唔同 ！ 

阿媽： 教會要用由純小麥製作嘅無酵餅（參教廷禮儀聖事部通函，2017），同埋要有麩質，唔可以加糖或加生果，朱古力更加唔得喇 ！同埋要由信譽良好的人士製作，有堂區會自己做麪餅㖭。

阿女： 咁聖血呢？同平時啲酒有乜分別？ 

阿媽： 彌撒酒要純天然嘅葡萄釀製，唔可以攙雜其他成分嘅。上次你爸爸想送佢啲珍藏都唔得呀，因為堂區唔可以收啲不明來歷嘅酒！ 

阿女： 我哋買多啲餅返去研究喇！睇吓邊隻個成份有麩質…… 

阿媽： 搵到你都應該無手拎嘞，我見你淨係朱古力兔仔餅都拎咗六包！ 

  
捐款支持公教報  http://kkp.org.hk/donation