【教友有問題】點解要敬禮「耶穌聖心」？

老婆： 老公！阿女只係為咗買零食就頂撞我呀！又成個下晝唔睬我，我個心而家抽住抽住好傷呀！ 

老公： 耶穌聖心嘅形象都係受傷被刺，何況我哋普通人？，而敬禮耶穌聖心其中一項特恩就係全家和睦平安呢！ 

老婆： 我哋剛剛咪慶祝咗耶穌聖心節囉，點解仲要成個6月敬禮聖心呢？ 

老公： 敬禮耶穌聖心，係為咗耶穌被刺透的心而祈禱做補贖㗎。話說喺1673年，耶穌向法國嘅聖女瑪加利大（Margaret Mary Alacoque）顯現佢嗰顆俾棘茨緊箍住、血淋淋嘅聖心。而喺1675年6月最後一次嘅顯現，耶穌話俾聖女知，為咗賠補佢喺聖體聖事所受嘅凌辱，教會應該立一個瞻禮。 

於是教會喺1856年確認咗耶穌聖心瞻禮，而教宗良十三世喺1899年6月奉獻咗全人類俾聖心之外，亦呼籲教友喺6月敬禮聖心。

老婆： 既然耶穌聖心補贖咗我哋嘅罪過，咁我為呢個家都做啲補贖好。

老公： 咁我每月都搵日幫手洗碗喇，等你同阿女可以坐低傾偈，多啲溝通喇 ！ 

  
捐款支持公教報  http://kkp.org.hk/donation