【教友有問題】乜嘢係「聖神九果」？

細佬： 哥哥，我報咗名入堂區輔祭會喇。領完堅振再入善會，你話我係咪叻過其他同學呢？我第日教埋佢地禮儀都仲得呀！ 

哥哥： 細佬，似乎你仲未俾聖神入去你心裡面。莫講話結出「聖神九果」，你連一果都未必有喎？ 

細佬： 哥哥，咩係「聖神九果」呀？果實咁多呀？都冇聽人講過嘅。

哥哥： 聖神九果，分別係「仁愛、喜樂、平安、忍耐、容忍、良善、溫和、忠信、節制」（參教理1832╱迦五22）。只要我哋同耶穌一齊生活，實踐佢嘅教訓，自然會結齊九果㗎嘞。

細佬： 我已經好喜樂平安，對老師又忠信，打機又節制，都叻過同學仔喇！ 

哥哥： 你淨係諗住叻過哂啲同學，但有冇諗過對佢哋仁愛良善，處事溫和，會同佢哋、同天主相處得開心啲呢？基督徒要一齊合力成 聖嘛，互相提點吓，呢九果慢慢就會出哂嚟！ 

細佬： 咁隔離位明仔又真係溫和過我，啲同學又喜歡佢⋯⋯既然各有 神恩，我就向同學仔學習喇。

哥哥： 你不如先學吓哥哥喇，對住個咁鍾意認叻嘅細佬都咁容忍！ 

  
捐款支持公教報  http://kkp.org.hk/donation