【教友有問題】每主日返聖堂？有心自己祈禱就得？

代父： 搬咗屋好耐冇見，近排返工忙唔忙呀？ 

代仔： 好忙呀，我舊年搬咗之後轉埋工。平日好夜先放工，好多時週末都冇得休息。

代父： 搵食艱難⋯⋯咁你而加返邊間聖堂望彌撒呀？ 

代仔： 搬遠咗，我都好耐冇返以前個間聖堂⋯⋯ 

代父： 香港咁多聖堂，主日彌撒時間選擇多，就啱時間，可以去就近另一間聖堂㗎⋯⋯ 

代仔： 放工咁攰，主日有時要OT，又要湊阿女，間中仲要陪阿媽飲茶⋯⋯唔緊要啦，天主咁仁慈，會體諒我嘅。

代父： 雖然好似少咗休息時間，不過主日返聖堂同天主傾吓就好似叉一叉電咁，參與彌撒之外，同D教友傾偈交誼，都有益身心。

代仔： 其實天主睇穿人心，最緊要有心，形式化嘅嘢係咪次要？ 

代父： 你講啱一半唧。雖然我哋可以隨時隨地祈禱，同天主傾計，但係天主都想我哋主日返聖堂守瞻禮主日。喺團體中同其他教友一齊祈禱、聽聖經、領聖體，互相支持。有時候一個人難免冇咁起勁，如果有團體支持，好好多。不如今個主日你帶我去你嗰間聖堂望彌撒。

代仔： 咁好喇，今個主日我帶埋阿女同你去屋企附近間聖堂參與彌撒，順便識返D新朋友，夜晚先返阿媽度食飯喇！ 

  
捐款支持公教報  http://kkp.org.hk/donation