【教友有問題】喺聖堂播電影 收唔收得捐獻㗎？

仔仔： 今年暑假就完喇，咁就過咗，好悶呀。

爸爸：不過今年聖堂嘅暑期活動都好豐富呀，上星期咪睇咗套卡通片，搞笑之餘仲帶出愛嘅信息。

仔仔： 爸爸，上次睇完戲之後導師話大家可以自由捐獻支持聖堂呀。我都捐咗$10。

爸爸： 捐錢支持聖堂係應該嘅。不過電影欣賞會係堂區安排，所以唔駛俾版權費，如果收捐獻嘅話，會唔會侵犯版權㗎？ 

媽媽： 堂區係屬於非牟利組織，主要宗旨係宣揚宗教。《版權條例》第76條提到，即使播電影收入場費，只要收益係俾堂區做宣揚宗教呢個目的，係唔算侵犯版權㗎。

爸爸： 哦，原來係咁，咦，阿仔，你正話講捐咗幾錢話？$10！咁少！ 

仔仔： 爸爸我見你同媽咪平日喺聖堂捐獻都喺一人捐$50啫，以身家做比例，我捐得多過你哋呀！ 

媽媽： 阿仔啱，我哋應該反省吓！ 

  
捐款支持公教報  http://kkp.org.hk/donation