【教友有問題】堂區牧民議會有咩工作？

阿仔： 堂區牧民議會選咗新一屆幹事喇！阿爸你上屆都係幹事喎，做咩今屆唔去選呀？ 

阿爸： 咪又係幫手搞主保瞻禮同朝聖旅行！幫咗咁多年，等D後生嘅幫吓手喇。

阿仔： 阿爸，牧民議會唔係淨係做呢D㗎。好似喺疫情之下，生活艱難咗，於是牧民議會同神父一齊決定，將主保瞻禮聚餐改為大型愛德聚會。

阿爸： 雖然好多神父都好開明，但議會始㚵係諮詢組織，最緊要搵幾個叻嘅教友去幫手！ 

阿仔： 阿爸，堂區其中一個作用係傳教，而堂區牧民議會就係要激發大家嘅傳教意願，去接觸每個人（參聖職訓有關「堂區更新」訓令100），走出堂區。議會幹事首先要用愛去建立團體同傳教，本身叻唔叻係其次。

阿爸： 可能我比以往嘅經驗困住，睇唔到堂區都一直進步緊，不過，做唔做幹事唔緊要㗎，最緊要係支持堂區。

阿仔： 新一屆幹事會頭炮係籌集物資俾基層家庭嘅小朋友開學，阿爸你影相咁叻，幫佢哋影學生相喇！。

阿爸： 好！我搵牧民議會的幹事傾吓先，或者佢哋最後仲有其他嘢想我幫手都唔定 ！ 

阿仔： 阿爸，堂區係我地屋企，唔使幫⋯⋯ 

  
捐款支持公教報  http://kkp.org.hk/donation