【教友有問題】乜嘢係主保聖人？

細佬：家姐，救我呀！我唔見咗份功課，老師話搵唔返就要重新做過 ！ 

家姐：細佬，你除咗要反省吓自己點解咁大頭蝦之外，仲可以搵「失物主保」聖安多尼代禱呢。

細佬：家姐，聖安多尼唔係聖名咩？點解會係失物主保？到底乜嘢係「主保聖人」呢？ 

家姐：聖人係基督徒嘅模範同代禱者（參教理828），我哋起聖名，以至聖堂、教會機構、善會尊奉主保聖人，其實都係鼓勵我哋效法主保聖人嘅芳表㗎。 

部份主保聖人喺某方面嘅轉禱特別有效果，多年嚟累積唔少恩寵同奇蹟㗎。相傳聖安多尼本聖詠書俾一個初學修士專登拎走咗，於是佢就向天主祈禱。點知個修士半路遇到怪物，嚇到心虛，就將本聖詠還番俾聖安多尼喇 ！ 

細佬：家姐，係咪每件事或每個職業都有主保聖人呢？ 

家姐：唔一定，但好多都有主保，好似聖若瑟係勞工主保，聖類斯就係青少年主保。見你連功課都可以唔見，你要向學生主保聖多瑪斯好好學習嘞 ！我哋不如揭去《喜樂少年》第4頁睇吓佢嘅故事喇！ 

  
捐款支持公教報  http://kkp.org.hk/donation