【教友有問題】乜嘢係總領天使？

女朋友： 9月29日呢日你要記住呀！係聖彌額爾主保瞻禮呀！ 

男朋友： 係呀！正話慕道團個導師都有同我哋講總領天使呀。其實，乜嘢係天使呀？又原來佢哋都有分階級㗎？ 

女朋友： 天使係天主所造，不過冇肉體，佢哋就好似係天主盟約恩寵嘅媒介。而聖經提到嘅三位總領天使，都積極參與咗救恩史：聖彌額爾戰勝咗代表魔鬼嘅龍同佢嘅使者；加俾額爾向聖母瑪利亞預報耶穌誕生（路一26-38）；聖辣法厄爾就喺多俾亞先知嘅旅途中照顧同保護佢。

男朋友： 咁天使只係存在喺過去同天上啫，關我乜嘢事呀。

女朋友： 你唔係話要揀聖彌額爾做你主保咩？睇嚟，你真係要求佢保護你啲記性呀！ 

男朋友： 咦，天使離我咁遠，係咪搵個聖人做主保好啲呢？ 

女朋友： 整個教會嘅生活都享有天使奇妙同有力嘅援助！喺禮儀入面，教會聯同天使去崇拜天主，呼求天使嘅助佑，例如係追思禮儀入面呼求：「願天使導引你到天堂⋯⋯。」（參教理335） 

男朋友： 有我女朋友保住就夠喇！ 

女朋友： 唔駛咁擦鞋嘞，快啲上網搵多啲你主保嘅資料喇！ 

  
捐款支持公教報  http://kkp.org.hk/donation