【教友有問題】乜嘢係護守天使？

女朋友： 你返工成日做錯嘢都大步檻過！10月2日係「護守天使」紀念日，你要好好多謝你嘅護守天使喇。

男朋友： 乜唔係主保聖人或天使去保護我哋咩？點解咁好又有護守天使嘅？ 

女朋友： 天使除咗會執行天主所委派嘅工作，仲會協助一切有益於我哋嘅事，受天主派遣去保護同引導我哋呢。

男朋友： 咁護守天使係傳說定有聖經根據㗎？ 

女朋友： 新、舊聖經都講過喇，聖詠話天主「必為你委派自己的天使，在你行走的每條道路上保護你。」（九十一11） 護守天使會保護所有人，希伯來書亦提到，好人都可能係天主派嚟嘅護守天使：「不可忘了款待旅客，曾有人因此於不知不覺中款待了天使。」（十三2）天使仲會特別關心小朋友：「你們小心，不要輕視這些小子中的一個，因為我告訴你們：他們的天使在天上，常見我在天之父的面。」（瑪十八10）所以你話護守天使幾咁照顧我哋呢。

男朋友： 我以為自己只係好彩，原來有護守天使一直做咗咁多嘢，同埋有女朋友去點醒我！有咩經文俾我哋同護守天使一齊祈禱㗎？ 

女朋友： 有，就係《天主天神經》嘞。一齊唸吖： 「天主天神，領守我者，惟上仁慈，托我於爾，今日（夜）賜我，照護引治。亞孟。」

  
捐款支持公教報  http://kkp.org.hk/donation