【教友有問題】非教友受惠於諸聖相通功嗎？

爺爺： 乖孫，11月1日係「諸聖節」，記住嗰日同天上諸聖、其他先人一齊祈禱呀！ 

孫仔： 爺爺⋯⋯佢哋都死咗喇，仲點祈禱呢？ 

爺爺： 唔記得信經有一句我信「諸聖的相通」咩，而「諸聖節」係紀念以前活出美善、而家同天主喺天堂享永福嘅聖人聖女，佢哋會喺天上繼續為我哋同煉獄入面嘅靈魂祈禱㗎！ 

煉靈、在世嘅人同埋天上諸聖，喺基督內係一家人嚟㗎。我哋藉住天主嘅恩寵同彼此代禱，體現緊諸聖相通功呢。

孫仔： 即係天堂嘅靈魂都聽到我嘅祈禱？ 

爺爺： 當然聽到喇！諸聖節之後就係「追思已亡節」（11月2日），你嗰日放咗學之後，不如陪我去天主教墳場參加彌撒，一齊為你嫲嫲祈禱好唔好？ 

孫仔： 不過嫲嫲唔係教友嘛，我驚幫唔到佢呀⋯⋯ 

爺爺： 天主總有方法幫助所有人。諸聖相通係指諸聖喺基督內嘅共融，基督為所有人而死，以致每個人為基督而做、或忍受嘅一切，對所有人都有效益！（參教理961） 

孫仔： 其實我一直都好掛住嫲嫲㗎！原來喺祈禱中我哋會共融，咁我就放心喇！ 

  
捐款支持公教報  http://kkp.org.hk/donation