【教友有問題】「副主教」做啲乜㗎?

期數
4062
刊登日期
2021.12.24
作者
阿公
主曆
主曆 2021 年 12 月 26 日 聖家節

細佬: 阿哥,周守仁主教委任咗四位副主教!等我恭喜本堂神父榮升主教先! 

阿哥: 副主教係行政職位,唔係主教神品嚟㗎。

細佬: 其實「副主教」做啲乜呢? 

阿哥: 副主教協助主教去治理教區(參天主教法典475條1項),教區委員會以至堂區事務、教會人事以至行政安排,副主教都會幫主教打點好哂,係主教嘅好幫手。 

通常一個教區只會設一位副主教,不過當嗰個教區幅度廣大、教友眾多,就可以例外。

細佬: 阿哥,楊鳴章主教在生嗰陣,咪任命咗幾位副主教囉。點解而家會委任另一批呢? 

阿哥: 副主教嘅職權,隨住主教出缺而終止。不過,喺湯漢樞機擔任宗座署理期間,佢哋幾位仍然繼續盡心盡力去幫湯樞機手㗎! 

細佬: 夏志誠主教已經係輔理主教,點解佢又係副主教? 

阿哥: 輔理主教都會兼任做副主教㗎!無論神職人員擔任咩崗位,我哋都要支持佢哋,同埋為佢地祈禱呢! 

細佬: 神父們已經夠哂忙碌,我哋要喺堂區共負責任,喺合適崗位上,同佢哋一齊去服務其他教友呢! 

阿哥: 你知就好喇!記住下次同神父開會唔好遲到喇! 

 

 

 

  
捐款支持公教報  http://kkp.org.hk/donation

廣告