【教友有問題】朝拜耶穌嘅「三王」係咩人？

孫仔： 爺爺，主顯節福音講「三王來朝」嘅故事，其實「三王」係邊幾個王呢？ 

阿爺： 聖經學者眾說紛云，但似乎佢哋係由東方嚟到耶路撒冷嘅賢士。有指「三」呢個數目，其實係由禮物數目推論出嚟嘅。

孫仔： 黃金、乳香同沒藥都係寶物，佢哋代表啲咩呢？ 

阿爺：黃金代表基督係天主子、君王；乳香代表我哋嘅祈禱，隨著馨香上達天主；沒藥原本係用嚟保存遺體嘅，意味住降生成人嘅基督，終有一天會死——呢啲禮物象徵基督是真天主，亦都係真人呢。 

孫仔： 呢幾位賢士咁遠嚟到都好有價值呢！ 

阿爺： 聖史瑪竇筆下嘅賢士其實係個標記，帶出天主顯示自己俾人，首先係猶太人，然後係外邦人，顯出耶穌基督係全人類嘅救主。

孫仔： 既然賢士都送咗禮物俾小耶穌，爺爺都應該送禮物俾我喇！ 

阿爺： 主顯節係提醒教友，喺生活中獻上「禮物」俾耶穌基督㗎！呢份禮物可以係準備自己嘅心靈，讚美天主。當然，一個月後係農曆新年，你可以買實際嘅物資，經堂區送俾有需要嘅家庭呢！ 

  
捐款支持公教報  http://kkp.org.hk/donation