【教友有問題】「聖體」同「聖餐」有咩分別？

女朋友： 1月18日至25日係「基督徒合一祈禱週」，雖然你媽媽信基督教，但佢俾你信天主教，又俾我哋遲啲喺天主堂行婚禮。佢咁開通，不如叫埋佢同我哋一齊望彌撒，預早感受一吓教會禮儀吖 ！ 

男朋友： 彌撒歡迎任何人參加，況且阿媽都好樂意同我哋一齊領受聖言嘅。不過，阿媽領開聖餐，佢亦明白天主教徒先領得聖體。合一首要係交談同互相認識，可以一齊參加祈禱會，唔駛一定要參加禮儀嘅。

女朋友： 其實「聖體」同「聖餐」有咩分別呢？ 

男朋友： 天主教徒深信祝聖後嘅聖體是真正的耶穌基督，不過基督宗派各有睇法，有啲認為基督臨在於聖餐之中，有啲認為聖餐係象徵同紀念，有啲就認為係基督嘅體血。

女朋友： 既然咁唔同，我好擔心同未來奶奶溝通唔到喎！ 

男朋友： 雖然大家見解唔同，但合一交談旨在求同存異，天主教同幾個宗派都簽咗因信成義（稱義）聲明喇！連阿媽都淨係睇你嘅優點，俾天主教徒嘅你入門喇！ 

女朋友： 既然未來奶奶咁好，等我喺介紹佢認識天主教嘅同時，都多啲認識佢嘅宗派先！ 

  
捐款支持公教報  http://kkp.org.hk/donation