【教友有問題】教友可唔可以新年求好運？

阿媽： 阿仔，疫情兩年都未過！今個主日係年廿八，等我買啲碌柚葉過你洗邋遢，開個新年靚運，包保咩病氣瘟神都送走哂！ 

阿仔： 媽咪，用碌柚葉洗白白無傷大雅，仲香噴噴㖭。不過當你講到碌柚葉好似有超自然力量幫你開運，咁就有機會對唔住天主喇！ 

阿媽： 你阿媽我不知幾信天主！善良百姓求個安心啫。

阿仔： 天主教喺唔同文化入面，都會適應當地文化、過濾同信仰相左嘅嘢，同埋昇華文化入面嘅好嘢，就好似派「利是」，今期公教報都報導教友總會嘅新年福傳大計。我哋不妨向有需要嘅基層工人派福傳利是，可以封少少心意，加張福傳卡或搭個口罩呢！ 

阿媽： 你同老豆今晚就幫我封兩三打福傳利是喇！堂區 WhatsApp 群組話，今期公教報送年畫呢！ 

阿仔： 貼賀年揮春唔違反信仰，仲可以福傳！你揭去中間大頁欣賞吓喇，買多份重可以整多張俾樓下看更叔叔貼喇 ！ 

  
捐款支持公教報  http://kkp.org.hk/donation