【教友有問題】教友可唔可以打麻雀？

奶奶： 家嫂，我今晚要去四姨度打牌，我整定煲「佛跳牆」俾你同阿仔、阿孫慢慢歎！ 

家嫂： 奶奶，我知你打牌好叻，不過疫情咁嚴重，不如留喺屋企一齊食晚飯喇，之後參加教友網上團拜咪仲開心。

奶奶： 人哋三缺一，唔打好缺德！打個衛生麻雀冇問題啩？ 

家嫂： 打麻雀係好開心，奶奶開心我就開心呢。雖然十誡話，「毋貪他人財物」，但親戚聯誼吓、借機會傾吓偈，無傷大雅嘅！ 

奶奶： 家嫂，我靜靜雞講你知：四姨後生嗰陣打牌好叻㗎！贏到心都雄哂，於是日打夜打，點知遇上屋邨老千，結果輸哂成份糧！之後佢淨係喺屋企同熟人打咋。

家嫂： 奶奶你講得好好呀！如果賭博喚起咗不良動機，令人跌倒，咁就要避免喇！成聖要大家一齊，唔係自己避開唔衰就算數！好彩你當時點醒佢，否則佢而家賭癮仲大！ 

奶奶： 嘩，啱啱四姨打電話嚟話，隔離幢樓爆疫喎，陳師奶話唔打喇，咁佢唔打我都唔打喇。

家嫂： 奶奶，你今晚一於留喺屋企喇，食完飯後我包麻蓉湯丸俾你食，包保好食到令你唔記得哂啲麻雀！ 

  
捐款支持公教報  http://kkp.org.hk/donation