【教友有問題】「明供聖體」有幾重要？ 

阿祖： 而家雖然冇得去聖堂望彌撒同領聖體，不過好彩可以神領聖體！我見堂區通訊話因著聖堂關閉，所以取消明供聖體禮儀。既然已經有神領聖體，點解又有明供聖體嘅？ 

阿心： 明供聖體好有神益㗎，耶穌親臨聖體，係天人相遇，幫我哋建立朝拜的心態，更加虔誠對待聖體同參與彌撒呢。

阿祖： 神父喺彌撒入面都舉揚聖體俾我地朝拜喇，點解仲要額外舉行呢？ 

阿心： 明供聖體係感恩祭嘅延續，幫助教友表達對天主嘅感恩之情。明供聖體亦係公開承認基督喺聖體聖事裡面嘅真實臨在，所以唔少傳教活動都有明供聖體㗎。而彌撒同明供聖體係唔會同時舉行嘅。

阿祖： 原來係咁，我都想參與，但疫情之下，冇哂實體公開朝拜明供聖體喎，點算呢？ 

阿心：教區喺四旬期入面，逢星期三喺網上直播明供聖體，對你祈禱同補贖好有幫助㗎！我 share 條 link 俾你喇！ 

 •「公教頻道」臉書： 
https://www.facebook.com/catholicwayhk 

  
捐款支持公教報  http://kkp.org.hk/donation