【教友有問題】點樣為病人祈禱？

阿女： 媽咪，舅父一家中咗新型冠狀病毒，入咗方艙社區隔離設施，表弟話舅父喉嚨痛到刀割咁，又發燒，我好想為佢祈禱呀！可唔可以求天主變走哂啲病毒㗎？ 

媽咪： 患病係人生必經階段，會好辛苦，但如果有天主助佑，病人會冇咁孤單。阿女，我哋可以求天主賜信德俾舅父一家，等佢哋有力量面對痛楚，同埋求天主護佑醫護人員，賜佢哋平安同力量去照顧病人。

阿女： 我驚天主聽唔到我祈禱，點算呀？ 

媽咪： 聖母媽媽好關心病人，我哋可以唸佢最喜歡嘅玫瑰經，請求露德聖母轉禱；亦可以請求「病人主保」聖嘉彌祿（Camillus de Lellis）轉禱，將舅父所受嘅痛苦，奉獻俾耶穌聖心。

阿女： 表弟話，如果舅父持續發燒，可能要轉去大醫院㖭呀。

媽咪： 雖然而家醫院牧靈工作受疫情影響，如果情況急緊，牧靈部可以申請酌情，俾神父入去為病人傅油㗎。

阿女： 吓，舅父又唔係臨終，唔駛傅油卦？ 

媽咪： 阿女，傅油係要嚟安慰病人，令佢哋堅強，保障身體同靈魂，去除痛苦。

阿女： 咁我日日求聖母媽媽同聖嘉彌祿轉禱，希望舅父一家快啲好番。

 •教區醫院牧民委員會網站，為牧靈工作和病人祈禱資源： 
http://hpc.catholic.org.hk/qd.php 

  
捐款支持公教報  http://kkp.org.hk/donation