【教友有問題】點樣過逾越節三日慶典？ 

男朋友： 話時話，其實四旬期會幾時正式結束呢？ 

女朋友： 你竟然唔知道！聖週四夜晚「主的晚餐」紀念開始前，四旬期就完㗎喇。

男朋友： 今年聖週冇實體嘅「逾越節三慶典」喇，冇得濯足，又冇燭光遊行，慶典意義都細咗！ 

女朋友： 重點係慶祝基督復活，而唔係人嘅參與程度。喺「逾越節三慶典」（主的晚餐（聖週四）；救主苦難紀念（聖週五）；復活節夜間慶典（聖週六））期間，我哋要專心迎接基督復活，同埋為候洗者祈禱。 

濯足突出信友喺日常生活步武基督、喺服務裡面嘅犧牲。即使冇濯足禮，我哋都可以喺生活中延續呢份精神㗎。 

今年我哋雖然唔可以實體參與復活節夜間慶典燭光遊行，不過我哋喺直播彌撒入面，會見到主教同神父喺禮儀入面，用光、聖言、水及感恩祭去顯示耶穌基督復活呢。

男朋友： 好，等我每日望網上彌撒！ 

女朋友： 聖週五冇彌撒㗎！嗰日舉行朝拜十字聖架，我哋成年人要守大齋，熱心祈禱，準備心神迎接復活節。神父會喺聖體櫃恭移聖體出嚟，聖週六再恭送番入去。

男朋友： 等我揭去第五版睇吓「逾越節三慶典」個網上禮儀時間表，到時依時參與先。

 • 教區網頁 www.catholic.org.hk 
將直播由周守仁主教主禮的逾越節三日慶典 
（禮儀時間表刊於實體報第五版）

  
捐款支持公教報  http://kkp.org.hk/donation