• 主曆 20210718 日 常年期第十六主日 第 4039 期

【教友有問題】點解「潔德」咁重要?

作者: 
阿公
刊登日期: 
2021.07.16
主曆: 
常年期第十六主日

阿女: 阿媽,7月6日係聖女葛萊蒂(Mary Goretti) 紀念日,佢為咗保護自己貞潔而俾人殺咗。我係女仔,梗係明白佢嘅堅持喇。但係有啲人會覺得冇咗條命真係唔抵呢。

阿媽: 所以話,如果人冇咗潔德、控制唔到慾望,會幾咁恐怖!隔離陳太話見到你成日同個男仔一齊放學喎,做咩拍拖都唔話俾阿媽聽呀? 

阿女: 嗰個係球隊教練嚟,有其他同學一齊㗎。你係咪想講拍拖前要守貞,唔守就冇幸福呀?我真係有認真諗過做修女㗎。

阿媽: 潔德唔係修道人嘅專利,男女朋友、夫婦、獨身都要去守㗎。阿媽唔係唔俾你拍拖,只係想你成熟啲呢。

阿女: 你都係兜個圈想叫我小心啲男人嘛。俾規矩限住就會幸福咩? 

阿媽: 阿女,潔德唔係「禁慾」,如果俾慾望操縱住,我哋唔會自由㗎。潔德係發展恰如其分嘅關係,而唔係佔有對方。

阿女: 阿媽你就講得輕鬆,你結咗婚都冇潔德包袱喇! 

阿媽: 夫婦照樣要守,因為婚姻係生命嘅召叫,如果人只為追求性快感而排除生育目的,都係違反潔德㗎(參教理2351、2366)。我同你爸爸過得幸福,都想個女都幸福㗎。

阿女: 見你平時咁尊重阿爸,咁我都聽你話,同男仔相處嗰陣小心啲喇。不過你唔好再聽陳太亂講是非嘞!連累到教練就唔好喇! 

 

 

 

  
捐款支持公教報  http://kkp.org.hk/donation